Maqolada kurashchilarda yuqori intensivlikdagi interval, izometrik va ekssentrik yuklamalardan so‘ng rivojlanadigan mushak toliqishi hamda qayta tiklanish jarayonlarining fiziologik mexanizmlari nazariy-tahliliy nuqtai nazardan yoritilgan. Energetik substratlar tiklanishi, laktat almashinuvi, mashqdan keyingi mushak shikastlanishi markerlari, vegetativ regulyatsiya va uyquning ahamiyati tahlil qilingan. Shuningdek, aktiv qayta tiklanish, sovuq suvli immersiya, massaj, pnevmatik kompressiya, ovqatlanish, gidratatsiya va kreatin qo‘llashga oid zamonaviy dalillar tizimlashtirilgan. Tiklanish vositalarining samarasi yuklama turi, musobaqalar orasidagi vaqt va sportchining individual javobiga bog‘liq ekani asoslangan.

Ushbu maqolada tezlik-kuch sifatlarining fiziologik asoslari ko‘rib chiqildi. Tadqiqot davomida tezlik-kuch sifatlariga ta’sir etuvchi neyromuskulyar boshqaruv, mushak to‘qimalarining tarkibi, energetik ta’minot tizimlari va biomexanik omillar baholandi. Elektromyografiya, kinetik tahlil va biomexanik tahlil natijalari asosida mushaklarning faollashish darajasi, harakat dinamikasi va kuch hosil qilish mexanizmlari aniqlandi. Tadqiqot natijalari shuni ko‘rsatdiki, plyometrik mashqlar va eksploziv kuch mashg‘ulotlari sportchilarning tezlik-kuch ko‘rsatkichlarini sezilarli darajada oshiradi. Shuningdek, individual yondashuv va ilmiy asoslangan mashg‘ulot metodikalari sportchilarning umumiy jismoniy tayyorgarligini oshirishda muhim omillar sifatida belgilandi.

Ushbu tadqiqot Olimpiya va Paralimpiya sport turlari tayyorgarlik markazlarida o‘quvchilarning sport tayyorgarligini optimallashtirishga qaratilgan bo‘lib, psixofiziologik tashxislar va psixologik test-sinovlarning samaradorligini o‘rganadi. Tadqiqotda sportchilarning jismoniy va psixologik holatini baholash, ularning individual xususiyatlarini aniqlash va tayyorgarlik jarayonini shaxsiylashtirish masalalari ko‘rib chiqiladi. Psixologik testlar va fiziologik ko‘rsatkichlar tahlili orqali sportchilarning stressga chidamliligi, diqqat jamlanishi va motivatsion holati aniqlanadi. Natijada, o‘quv jarayonini optimallashtirish bo‘yicha takliflar ishlab chiqiladi, bu esa sportchilarning yuqori natijalarga erishish imkoniyatlarini oshiradi.

Ushbu maqolada yosh badiiy gimnastikachilarni oʻquv mashgʻulotlari tarkibi va yosh gimnastikachilar bilan ishlash usullari hamda mashgʻulot jarayoniga qoʻyiladigan talablar yoritilgan.

Mazkur maqolada 7-8 yoshli stol tennischilar bilan oʻtkaziladigan anʼanaviy mashgʻulotlarda zarbalar aniqligini shakllantirish tajribasini oʻrganish muvozanat saqlash koʻrsatkichlari ostida tinch holatda namoyish etilgan 30 s. li zarbalar hajmi (soni) va ularning aniqligi gavdani 90o oldinga egilgan holatida kardiorespirator koʻrsatkichlar shu yoshli bolalar uchun oʻrnatilgan fiziologik meʼyori toʻgʻrisida bayon etilgan.

Ushbu maqolada yuqori malakali futbolchilarni tayyorlashda ixtisoslashtirilgan mashqlarning mashg‘ulotlar samaradorligi tezkor nazorat qilish natijalarining tahlili orqali ko‘rib chiqiladi. O‘tkazilgan tadqiqotlar shuni ko‘rsatdiki, yuklamaning maxsus mashg‘ulot ta’siri (MMT) haqidagi ma’lumotlar faqatgina ular asosida mashg‘ulot yuklamasini tezkor tartibga solish amalga oshirilgandagina samarali bo‘ladi.

Ushbu maqolada tadqiqot muammosiga oid manbalarni o‘rganish natijasida shakllantirilgan nazariy xulosalar, amaliyotni kuzatish natijalari, shuningdek tadqiqotda ilgari surilgan ilmiy g‘oyalarning samaradorlik darajasini eksperimental sinab ko‘rish maqsadida o‘tkazilgan tajriba-sinov ishlari aks etgan.

Ушбу мақолада бугунги кунда Қозоғистон Республикасида компютер ўйинларининг (киберспорт) роли, шунингдек, спорт машғулотлари жараёнида спортчиларнинг психофизиологик хусусиятларига таъсирини тавсифловчи маълумотлар таҳлили натижалари баён этилган. Шунингдек, киберспорт билан шуғулланадиган спортчилар танасининг физиологик ҳолати кўрсаткичларини баҳолаш тўғрисида маълумотлар келтирилган.

Ushbu maqolada o‘smir bokschi qizlarning ko‘p yillik  tayyorgarlik darajasini takomillashtirishda maxsus va umumiy tayyorgarlik bo‘yicha mashg‘ulotlarda qo‘llanilayotgan vosita va usullarni takomillashtirish va o‘smir bokschi qizlarni musobaqalarga tayyorlash haqida fikr yuritilgan

Ushbu maqolada yuqori malakali bokschi qizlarning ko‘p yillik tayyorgarlik darajasini takomillashtirishda maxsus va umumiy tayyorgarlik bo‘yicha mashg‘ulotlarda qo‘llanilayotgan vosita va usullarni takomillashtirish va yuqori malakali bokschi qizlarni musobaqalarga tayyorlash haqida fikr yuritilgan.