Mazkur maqolada yuqori malakali sportchilarni tayyorlashda jismoniy tarbiya va ommaviy sport tadbirlarining ahamiyati, jismoniy tarbiya va sport bilan shugʻullantirishning oʻziga xos jihatlari borasida fikr yuritilgan. Bundan tashqari, eng qobiliyatli sportchilarni saralab olishda uch bosqichli sport musobaqalarini ahamiyati yoritib berilgan. Sport toʻgaraklari bilan yoshlarni muntazam shugʻullanishga jalb qilishga qaratilgan chora-tadbirlar bayon etilgan.

Maqolada aholi oʻrtasida va ayniqsa yoshlar oʻrtasida basketbol sport turini  ommalashtirish, hamda aholining jismoniy tayyorgarligini, jismoniy rivojlanganligini rivojlantirishda, har tomonlama barkamol shaxs boʻlib ulgʻayishlarida basketbol sport turini  ahamiyati yoritilgan.

Maqolada jismoniy tarbiya va sport sohasida mutaxassislarni qayta tayyorlash va malakasini oshirish jarayonida sport targʻibotiga alohida eʼtibor qaratish zarurligi, sport sohasi vakillarining ijtimoiy tarmoqlar bilan hamkorligida media-relizlar tayyorlash, ommaviy kommunikatsiyaning anʼanaviy janrlari oʻzgarishi oqibatida ijtimoiy tarmoqlar uchun media-reliz xususiyatlari koʻrib chiqilgan. Sport jurnalistikasida axborot manbai sifatida media-reliz uchun axborot sabablarining tipologiyasi keltirilgan.

Maqolada ijtimoiy-gumanitar bilimlar sohasidagi kasbiy mahorat, o'z-o'zini takomillashtirish va shaxsiy o'zini o'zi rivojlantirish masalalariga bag'ishlangan tadqiqotlar tahlil qilinadi. Mualliflar bir qator tushunchalarni talqin qilishda qarama-qarshiliklarni aniqladilar, bu esa kasblar terminologiyasiga va kasbiy mahoratga ilmiy yondashuvlarni tizimli tahlil qilishni talab qildi. Tadqiqotning yangiligi kasbiylikni jismoniy tarbiya va sport sohasidagi mutaxassislarning hayot strategiyasini belgilovchi "ijtimoiy qadriyat" sifatida baholashdadir.

Tushuncha va atamalardagi o‘zgarishlarni tahlil qilishda tarixiy va mantiqiy-lingvistik usullardan foydalanildi. Xulosa qilinadiki, kasbiy strategiyalarni shakllantirish qisman sub'ekt tomonidan boshqariladi. Tahlil mutaxassisning hayotiy strategiyasini amalga oshirishga ta'sir qiluvchi omillarni aniqlashga imkon berdi: jismoniy va ma'naviy salomatlik, oila farovonligi, kasbiy o'sish va kasb nufuzi. Hayotiy strategiyalar ijtimoiy-demografik va yosh xususiyatlariga bog'liqligi aniqlandi, bu ularni o'z-o'zini anglash va muvaffaqiyatga erishish yo'nalishlarini tanlash sifatida talqin qilish imkonini beradi.

Ushbu maqolada ota-ona qaramogʻidan mahrum boʻlgan bolalarda norasolik kompleksining kelib chiqish sabablari koʻrib chiqiladi, uning oldini olishda sportning ahamiyati oʻrganiladi. Shu bilan birga, norasolik kompleksi mavjud boʻlgan bolalarga psixokorreksiya amaliyoti taqdim etilgan.

Maqolada O‘zbekiston yengil atletikachilarining Parij-2024 Olimpiyada o‘yinlaridagi ishtiroki tahlil qilingan. Sportchilarning mavsumdagi eng yaxshi natijasi va Olimpiyada o‘yinlaridagi ishtiroki taqqoslangan. Sportchilarning deyarli barchasida Olimpiyada o‘yinlarida ko‘rsatgan natijalari o‘zlarining mavsumdagi eng yaxshi natijasidan past ekanligi qayd etildi.

Maqolada O‘zbekiston Respublikasida istiqomat qilayotgan ayol-qizlarni sportga jalb qilishdagi dolzarb muammolari yoritilgan. Mazkur muammolarni aniqlash maqsadida o‘tkazilgan anketa-so‘rov natijalari tahlil qilingan hamda ilmiy-uslubiy adabiyotlar tahlili, ilg‘or tajribani o‘rganish
va umumlashtirish asosida muammoning yechimlari bo‘yicha taklif va tavsiyalar ishlab chiqilgan.

Ushbu maqolada etnosport tushunchasi, uni rivojlantirishning jamiyatdagi o‘rni va ahamiyati, mamlakatimizda milliy sport turlari va xalq o‘yinlarini ommalashtirish va rivojlantirish bo‘yicha amalga oshirilayotgan ishlar va ularning asosiy yo‘nalishlari tahlil qilingan.

Muallifning mazkur “Sport inson kapitali rivoji va mamlakat iqtisodiy taraqqiyotining asosiy omili sifatida” nomli maqolasida bugungi kunning dolzarb muammolari yoritilgan, jumladan, sport inson salomatligi, sogʻlom turmush tarzi omili ekanligi, bu sohada kadrlar salohiyati, malaka oshirish tizimi, hamkorlik ishlari Oʻzbekiston Respublikasi Prezidenti Sh.Mirziyoyevning “Yangi Oʻzbekiston taraqqiyot strategiyasi” kitobida jismoniy tarbiya va sportni rivojlantirish masalasiga oid qarashlari, hozirgi vaqtda boks, dzyudo, erkin kurash, badiiy gimnastika, ogʻir atletika, shaxmat va boshqa sport turlari boʻyicha Oʻzbekistonda shakllangan maktablar, sportni jadal rivojlantirish, xalqaro musobaqalarda yuksak natijalarga erishgan sportchilarni ragʻbatlantirish va qoʻllab –quvvatlash masalalari ilmiy nazariy va amaliy jihatdan tahlil etilgan.

Ushbu maqolada sport faoliyatidagi gender tengligi masalalari va sport jarayonlarida gender xususiyatlarini inobatga olish zarurati haqidagi maʼlumotlar taqdim etilgan.

Jismoniy tarbiya va sport umummadaniyatning tarkibiy qismi sifatida amaliy jihatdan o‘z mazmuniga ega. Maqolada XIX asr o‘rtalari va XX asr boshlarida Turkistonda rus tilida o‘qitadigan maktablarda jismoniy tarbiya va sportning ahvoli, uni rivojlantirish uchun ko‘rilgan choralar, yosh avlod ta'lim-tarbiyasida jismoniy tarbiya va sportning o‘rni va ahamiyati, uning ijtimoiy mohiyati haqida so‘z boradi.

Maqolada 120 nafar эvropalik sportchilarda tsiklik sport turlarida, xususan, qisqa masofaga suzuvchilar va yengil atletika sprinterlarida dermatoglif belgilari tahlil qilindi. Naqshlarni umumiy soni va harakat sifatlarining rivojlanish darajasi o'rtasida ijobiy bog'liqlik aniqlandi. Naqshlarni umumiy sonining past ko'rsatkichlari evropalik populyatsiyasi sportchilarida harakat sifatlarining yuqori darajada rivojlanishi bilan bog'liq.

Ushbu maqolada yoshlarning ma'naviy-axloqiy tarbiyasi, xususan, jismoniy tarbiya va sportning shaxsning barkamol rivojlanishiga ta'siri masalalari ko'rib chiqiladi. Shu bilan birga, jismoniy madaniyat va sport shaxsni ma'naviy-axloqiy tarbiyalashning eng muhim vositasi, keyinchalik shaxsning ijobiy fazilatlarida namoyon bo'ladigan eng muhim elementlarni birlashtirish vositasi sifatida taqdim etiladi.