O‘zbekiston olimlarining yoshlar ma’naviy tarbiyasi va ma’naviy madaniyatini shakllantirishga doir pedagogik qarashlari: qiyosiy tahlil

Annotasiya

Maqolada O‘zbekiston olimlarining yoshlar ma’naviy tarbiyasi va ma’naviy madaniyatini shakllantirishga doir pedagogik qarashlari qiyosiy-kontent tahlil asosida o‘rganiladi. O. Musurmonova, M. Quronov hamda D. Kaipbergenova va N.S. Jumaniyozovaning ishlari tayanch tushuncha, pedagogik vazifa, ta’sir mexanizmi va kutiladigan natija mezonlari bo‘yicha taqqoslandi. Natijada uchta o‘zaro bog‘liq yo‘nalish – qadriyatga yo‘naltirilganlik, mafkuraviy barqarorlik va axloqiy dunyoqarash – ajratildi. Muhokamada mazkur yo‘nalishlarning integrativ bog‘liqligi asoslanib, ma’naviy-ma’rifiy ishlarni bosqichma-bosqich tashkil etishga xizmat qiluvchi uch komponentli pedagogik model taklif etildi. Tadqiqotning nazariy xususiyati va modelning empirik sinovdan o‘tkazilmaganligi uning asosiy cheklovi sifatida qayd etiladi.